Activiteiten
Teatro KadaKen ta presentá ‘Piar: e Último Bataya’
Un obra teatral musikal emoshonante tokante e delaster dianan di General Manuel Piar, e yu di Kòrsou luchadó pa libertat ku a hunga un ròl krusial den independensia di Gran Colombia, ku ta inkluí Venezuela.
E obra ta hiba e públiko bèk na 1817, na Guayana, estado Angostura, awendia Ciudad Bolivar, na e riu venezolano Orinocco. E ta presentá e momentunan dramátiko rondó di aresto di Piar, su huisio militar i e diskushonnan tenso entre Simón Bolivar i atmiral Luis Brion,ku a purba sin éksito pa evitá huisio di su kompatriota.
Apesar ku e akontesimentu aki a pasa mas ku dos siglo pasá, e mensahe ta ekstremadamente aktual. Manuel Piar, e Último Bataya ta pone bo pensa riba libertat i demokrasia, i ta laga mira ku ta rekerí kurashi pa lanta para kontra di inhustisia i poder outoritario.
E produkshon ta di KadaKen, bou di guia di direktor Lou Nisbet. E teksto ta di Franklin Salgado i adaptá pa Milushka Birge ku ta enkargá tambe ku direkshon artístiko. Durante tres luna di treinen intensivo, Miluskha a dirigí seis aktor hóben talentoso i a krea un obra emoshonante. E aktornan ta Karla Carbonell Gómez, Maxine Fabian, Tisjaira Martina, Alejandro Marquez Lorenzo, Kendrick Girigori i Ralph Winedt. Guia musikal ta den man di Eric Calmes, ku huntu ku e elenko a sòru pa muzik bibu i kantika ku ta resaltá emoshonnan den e obra. Piar ta un obra na Papiamentu pa skolnan sekundario i públiko general.
Estreno di Piar, e Último Bataya pa públiko general ta riba djaweps 30 di òktober den Teatro AULA Habaai. Siguiente fecha di funshon ta 31 di òktober, 1,2,8,9, 29 i 30 di novèmber. Karchi ta optenibel na Mensings Caminada, Van den Tweel Supermarket, Sentro di pago Tu y Yo i online via Caribbean Ticketshop. funshon ta kuminsá 8 or di anochi.
Teatro KadaKen presenteert ‘Piar: E Último Bataya’
Een aangrijpende theatervoorstelling over de laatste dagen van generaal Manuel Piar, de Curaçaose vrijheidsstrijder die een cruciale rol speelde in de onafhankelijkheidsstrijd van Gran Colombia, dat het huidige Venezuela omvat.
Het toneelstuk voert het publiek terug naar 1817, naar Guayana, de stad Angostura (nu Ciudad Bolívar) aan de Venezolaanse Orinoco-rivier. Het verbeeldt de dramatische momenten rond Piar’s arrestatie, zijn militaire tribunaal en de gespannen discussie tussen Simón Bolívar en admiraal Luis Brion, die tevergeefs probeert de terechtstelling van zijn landgenoot te voorkomen.
Hoewel dit verhaal zich meer dan twee eeuwen geleden afspeelde, blijft de boodschap uiterst actueel. Piar: E Último Bataya zet aan tot denken over vrijheid en democratie, en laat zien dat het moed vereist om op te staan tegen onrecht en autoritaire macht.
De productie is van KadaKen, onder leiding van directeur Lou Nisbet. Het script is geschreven door Franklin Salgado en bewerkt door Milushka Birge, die ook de artistieke regie voert. Zij begeleidde zes jonge acteurs die in drie maanden een indringende voorstelling hebben neergezet. Deze acteurs zijn Karla Carbonell Gómez, Maxine Fabian, Tisjaira Martina, Alejandro Marquez Lorenzo, Kendrick Girigori en Ralph Winedt. De muzikale leiding is in handen van Eric Calmes, die samen met de cast zorgt voor livemuziek en zang, waardoor de emoties nog sterker voelbaar worden. Piar is een Papiamentstalige voorstelling voor middelbare scholen en algemeen publiek.
De première van Piar: E Último Bataya voor algemeen publiek vindt plaats op 30 oktober 2025 in Teatro AULA Habaai. Daarna zijn er vrije voorstellingen op 31 oktober, en 1,2,8,9, 29 en 30 november. Al deze voorstellingen beginnen om 8 uur ’s avonds.
Kaarten zijn verkrijgbaar via Mensings Caminada, Van den Tweel Supermarkt, Sentro di pago Tu y Yo, en online via Caribbean Ticketshop