Kompas Kòrsou – Herensia intangibel (Youtube)

Den ‘Kompas Kòrsou’ Trevor Bakhuis ta konta diferente historianan di Kòrsou. E ta papia entre otro di heroenan i eventonan historiko ku tabata importante pa e desaroyo di Kòrsou.

Dos Dama

Mary, Zakitó, Dorothea Martina
Esaki ta un historia di dos hende muhé i e importansia ku nos akshonnan tin riba esnan rònt di nos. Na final mi ta konta di algu similar ku a yega di pasa ku mi i kon Dios i komunidat a yuda mi integrá bèk.

Panamá Nos Ta Bai

Panamá tabata un puntu di interes pa hopi habitante di Kòrsou; un oportunidat pa floresé i tambe un oportunidat pa trabou. Nos tin un konekshon ku Panamá, esta e pais, i tambe ku algu di moda ku ta karga e nomber di Panamá, esta, e Sombré di Panamá. Ban den tempu i eksplorá e historia di Panama-Korsou.

Furia Franses (Part 2)

Den e episodio aki nos ta sigui ku e historia di e atake franses riba Kòrsou na 1713 kuminsando ku e bataya di Malpais (despues di un introdukshon)

Furia Franses (Part 1)

Fransha a pasa den Karibe riba un manera feros. Na aña 1713 nan a presentá na Kòrsou. Den e episodio aki nos ta bai eksplorá algun di e susesonan ku a tuma lugá den e tempu ei.

Gara e Momentu

Kambio ta bin pa tur hende pero den Korsou su historia na fin di siglo 19, tabatin un hòmber ku a bin ku kambionan ku te awe nos ta usa diariamente. L.B Smith, brugnan di Kòrsou, e Kas di Awa, i Kairos.

 

Tempestat, Tragedia i Triunfo

Hopi bia nos no ta para ketu ku tabatin tormentanan pisá ku a dal nos isla. Historia ta hasta menshoná tormenta i orkannan ku a kousa daño inmenso. Impreshonante ta ku den e momentunan difisil aki hendenan ta hasi sakrifisio grandi pa yuda nan próhimo.

Korto: Aglomerashon Total

Un kaso di lamentá di mas ku 300 aña pasá lo hiba nos den sentro di Kòrsou di siglo 17, 18 i 19

Sensurá

Korant den temporada di WWII mester a sensurá hopi kos i den e video aki nos ta bai wak un temporada skur ku sierto hende i famia a eksperensiá. Pero apesar di e kontratiempo tòg tin historia di triunfo.

Pirata, Atake i Komunikashon

Piratanan tabata frekuentá nos isla i na sierto okashon a ataká tambe. Komunikashon ta proba su mes komo algu importante pa nos protekshon. Nos lo kuminsá na Sta. Barbara i kaba den e mondi di Ararat.

Mas Grandi ku Prizòn

Nos no mester lubidá e aktonan heroiko di nos hendenan. Esaki ta un relato kortiku di tres hòmber ku a pasa den e mesun prizòn durante WWII. Nan a demostra ku nan tabata mas grandi ku nan situashon.

Héroenan den silensio

Den WWII tabatin diferente antiano ku a riska nan bida pa bienester di otro hende. Esaki ta un relato kortiku di e héroenan aki. Charles Debrot, George Maduro, Boy Ecury, Luis de Lannoy, Delfincio Navarro i Tirso Sprockel.

Kòrsou den WWII (Part 2): Menasa, Blackout i Defensa

Supmarinonan ta ataká, blackout ta keda enforsá i sòldánan ta bin pa defendé nos islanan chikitu den WWII. E balor di nos islanan den WWII ta algu ku nos no mester lubidá. Riba diferente sitio te awe nos ta topa fundeshi- i artefaktonan ku e sòldánan a laga atras ku ta testfiká di un presensia i interes supstansial pa defendé nos islanan.

Korsou den WWII

Hopi hende no sa, pero Korsou tabatin un funshon importante den WWII. Nos ta ban eksplorá e kuminsamentu di WWII i kon el a afektá un fase nobo den defensa di Korsou. Den e parti aki nos ta wak kon e hulandesnan huntu ku soldánan lokal a kuminsá usa luganan stratégiko di antes atrobe. Esaki mester pone nos pensa riba nos propio bida i wak si nos tambe mester bai bèk na e fundeshinan ku ta restorá nos komo hende i komo pueblo

St. Joris: Nada no ta imposibel

Inglesnan a blòkia tur entrada parti sùit di Korsou i niun barku no por a drenta ni sali.Komersio tabata plat i provishonnan tabata skars. Pero ta den e momentunan skur akí Luis Brion a hasi un maniobra ku ta bale lapena pa rekordá.

Kabrietenberg (1805)

Na 1805 Inglatera a presenta ku 7 barku di guera pa konkistá Kòrsou pero Pedro Luis Brion i su 160 soldánan a duna nan un resistensia ku nan no a antisipá.

25 dia di teror

E inglesnan a ataká Korsou na 1804 i tur kos den Korsou su defensa a bai malu. Pero tòg esnan ku a lucha no a entregá. Kristu no a entregá, el a lucha te na fin.

1807

Aña nobo 1807, un momentu inesperá, e inglesnan drenta haf i tuma kòntròl kompletu di Korsou. Asina e “tweede engelse periode” a kuminsá i a dura te 1816.