E islanan Caribense den Reino Hulandes ta forma pa un historia y influencia cultural comparti. Den hopi aspecto e islanan parce otro mas cu nan ta diferencia di otro.

Durante di e ultimo siglonan a publica hopi informacion tocante e herencia comparti aki. For di e relatonan friu skirbi den siglo diesnuebe cu ta conta for di e perspectiva colonial, te na diferente programa di enseñansa moderno cu a desaroya riba e islanan mes den e ultimo añanan.

Stichting Monumentenzorg Curaçao a tuma e iniciativa pa desaroya un sistema di buskeda pa promove intercambio di conocemento entre e islanan, y pa facilita e posibilidadnan pa haya informacion, material pa enseñansa y actividadnan riba tereno di patrimonio Hulandes-Caribense. E meta ta, pa hunto cu diferente partner riba tur seis isla, ofrece ​​un inventario mas completo posibel riba tereno di herencia den e sentido mas amplio di palabra.

Informacion

Bou di e rubrica ‘Informacion’ por haya bek publicacion, link pa base di dato specifico, website di instituto di herencia riba e islanan y mas. Por scoge e idioma di publicacion, tipo di publicacion, tema y e area/isla cu e informacion ta trata. Sea cu ta pa haci investigacion, prepara un presentacion oral of kier sa mas di e isla cu ta bay bishita, aki por haya e informacion cu ta busca.

Educacion

Na aña 2017, riba encargo di Comicion Nacional di Corsou pa UNESCO (Curaçao National Commission for UNESCO), a hasi un inventario di material y programa pa duna les riba tereno di patrimonio arkitectonico y arkeologico cu tin na Corsou. Un di e recomendacionnan di mas importante tabata pa crea un plataforma digital pa aumenta e facilidad pa haya e materialnan aki. E parti aki di e website no solamente ta comparti programa di les existente. E ta duna tambe e posibilidad pa otro profesional di enseñansa di e diferente islanan comparti e materialnan cu nan a desaroya cu un grupo mas grandi di docente. Di e manera aki, na nivel di e seis islanan e maestronan por sigui amplia riba otro su informacion y metodonan, pa haya e conocemento necesario pa comparti den klas.

Actividad

Tur isla ta ofrece un variedad amplio di actividad cultural y relaciona cu patrimonio. E actividadnan aki por tin netamente un caracter informativo, manera un charla of recorido, pero nan por tin tambe un caracter festivo caminda e enfoke ta riba e celebracionnan cu tin nan reis hancra den e herencia cultural di e islanan.

Sosten amplio

Tur organisacion di patrimonio y profesional riba tereno di educacion y di herencia riba e islanan por duna nan aporte na complementa y balida e informacion. Pa duna un aporte, como colaborado, pa yuda completa e informacion, por manda un e-mail pa info@dutchcaribbeanheritage.org. E plataforma Herens/cia | Erfgoed | Heritage ta posibel danki na entre otro Cultuurfonds Caribisch Gebied, Mondriaan Fonds y UNESCO Participation programme.