Estrutura
E website aki ta bo base di dato digital pa informacion tocante herencia di e islanan Hulandes-Caribense. Bo por haci un buskeda dirigi via e filternan di buskeda riba e pagina di inicio of explora nos tres seccionnan principal: Informacion, Educacion y Actividad.
Informacion
Aki ta haya un coleccion extenso di fuente di informacion – for di publicacion, video y website te na link pa bay e basenan di dato externo. E seccion aki ta pa tur hende, for di e profesional di herencia y guia turistico te na studiante cu ta busca informacion pa un presentacion oral.
Educacion
Esaki ta destina specialmente pa docente y profesional den educacion. Aki ta haya material pa les y metodo di enseñansa pa tur nivel di enseñansa; for di scol basico te na enseñansa avansa. Uza e filtro pa busca grupo segun edad y nivel pa haya material pa uza mesora den les.
Actividad
Descubri cua actividad regular y special di herencia ta tuma luga riba e islanan: for di tayer te na exposicion. Herencia ta biba ora ta comparti’e y experienci’e.
No tin sigur den cua categoria e pregunta ta cay? Uza e bara di buskeda general riba e pagina di inicio pa tuma nota di tur resultado.
Fuente di informacion externo
Pa mas profundisacion of pa topico cu no ta riba nos website ainda, por bishita algun otro fuente di informacion online cu ta trata herencia.
Investigacion di fuente di informacion
- Delpher.nl (archief grandi di corant y revista Hulandes y Hulandes – Antiano)
- Dutch Caribbean Digital Platform
- Coleccion Aruba