Siklo di Charla Frans Booi -Ed. 10 – Di mucha di kant’i awa, pa hòmber di laman

Di dies edishon di Siklo di Charla Frans Booi! 

FuHiKuBo ta invitá bo pa e di dies edishon di Siklo di Charla Frans Booi. E biaha aki e charla ta na enkargo di Elvis (Piskechi) Martinus.

Den e charla titulá: “Di mucha di kant’i awa, pa hòmber di laman” Elvis lo konta nos tokante tradishon, storia i evento di laman i piskamentu. Elvis a lanta meimei di hende di playa pariba i ta bini di un famia ku sèmper a biba di laman. Asina Elvis a heredá un rèspèt i pashon profundo pa laman, un pashon ku ta ankrá den su bida.

Despues di e charla tin espasio pa diálogo den kua por hasi pregunta i interkambiá idea.

**Ta pidi tur hende pa bini ku nan mes stul**

 Fecha: 21 òktober 2025
 Ora: 6’or pa 8’or di anochi
 Lugá: Dilanti di slipway Mo dé (tereno banda di restorant Capriccio)
 Idioma: Papiamentu
 Pone atenshon: espasio ta limitá, pues inskribí tempran pa medio di Whatsapp na +5997950020 pa reservá bo lugá.

E proyekto aki ta posibel pa medio di supsidio di Het Cultuurfonds Caribisch Gebied