Informatie
Busca den e Database di Personanan Sclavisa na Aruba 1840-1863
Zoek in de Database van Tot slaaf gemaakte personen in Aruba 1840-1863
Search the Database of Enslaved People in Aruba 1840-1863
Bo persona ta busca informacion tocante un familiar cu tabata catibo entre aña 1840 y 1863 na Aruba?
E documento aki ta yuda bo busca.
E registro di esclavo di Aruba no ta existi mas, pero door cu a mantene e informacion di diferente archivo tocante persona den sclavitud, por a traha un bista mas completo posibel di e Arubianonan sclavisa entre aña 1840 y 1863.
Tips pa ora di busca:
- E personanan sclavisa tabata tin solamente un nomber. Nan ta haya un fam te ora cu nan haya nan libertad. Esey a sosode ora cu a aboli sclavitud (e Emancipacion) riba 1 di juli 1863 of pa medio di manumision en caso cu nan a haya nan libertad prome cu 1 di juli 1863. Si bo busca pa medio di fam, e ora bo lo wak e personanan cu a haya nan libertad. Si sigui busca lo por haya nomber bieu (“nomber di catibo”) combina cu nomber di mama of nomber di e shon anterior.
- Cu e nomber di mama por sigui busca otro miembro di famia, door cu no a registra paternidad, bo por busca solamente den e liña femenino.
- Tene na cuenta cu den e fuentenan historico a pronuncia e mesun nomber na diferente manera. Pues, pa siguransa purba diferente variante di ortografia.
- Ademas, por busca riba nomber di Plantage (manera Mon Plaisir, Santa Martha, Balashi, of Daimari), nomber di otro isla, colonia of pais (Curaçao, Bonaire, St. Eustatius, Suriname, Venezuela, Puerto Rico); riba profesion/trabou (pa ehempel cunukero, labadora, sirbiente) y riba tipo di socedido (nacemento, fayecimento, benta, findishi, importa, exporta, manumision, emancipacion) y riba hopi nomber y informacion/termino mas.
Tokante Coleccion Aruba:
Na october di aña 2022, Archivo Nacional, Biblioteca Nacional y UNOCA a firma un acuerdo pa coopera riba e tereno di digitalisacion di e historia, cultura y herencia di Aruba.
E intencion ta pa traha riba un plataforma unda e herencia cultural digital di Aruba ta bira facilmente accesibel. Por mira e resultado di e cooperacion aki den e siguiente portal: https://coleccion.aw.
Segun cu e lunanan a pasa, mas organisacion a uni na Coleccion Aruba. Pa asina comparti nan conocemento, experticio y nan herencia cultural digitalisa dentro di e portal coleccion.aw.
Dia 28 di september 2023 a lansa coleccion.aw oficialmente.
