Si bo ta traha den sektor di herensia, sektor kultural, òf edukashon i bo ke komparti material tambe riba e website aki, por hasi esei dos manera.
Subi material di manera esporádiko
Bo por ‘upload’ material esporádiko pa Herens/cia | Erfgoed | Heritage. Pa esaki, por yena un formulario ku tur informashon tokante e material. Ta importante pa lesa bon e ‘Kriterio pa subi material’ i ‘Konsehon pa subi material’ banda di e formulario.
‘Upload’ material na un manera struktural
Si bo òf bo organisashon ta spera di ‘upload’ hopi material òf regularmente riba Herens/cia | Erfgoed | Heritage, bo por registrá komo ‘content-partner’. E ‘content-manager’ di Herens/cia | Erfgoed | Heritage lo krea un kuenta pa bo pa subi e website komo partner i manda instrukshon pa ‘upload’ kontenido. E content-manager lo verifiká e kontenido ku a ‘upload’, i si nesesario, lo konsultá ku bo, pa despues publiká e material. Ora ta log in, bo por wak tur kontenido ku bo a ‘upload’.
Si bo tin preguntanan promé, sinti bo liber pa kontaktá nos via
info@dutchcaribbeanheritage.org.
Kriterio pa entregá material
E material mester kumpli ku e siguiente kriterionan:
- Mester ta basá riba echo
- Ta kai bou di un di e siguiente kategorianan:
- Patrimonio intangibel (Herensia inmaterial)
- Patrimonio tangibel (Herensia material)
- Herensia arkitektóniko
- Herensia arkeológiko
- Arte i artesania (mas bieu ku 50 aña)
- Literatura
- Músika & arte di aktuashon
- Herensia natural
- Ta trata aki di patrimonio ku ta di e islanan hulandes karibense mes, esta di Aruba, Boneiru, Kòrsou, Sint Maarten, Sint Eustatius i/òf Saba.
- Bo ta disponé di e derecho di outor pa kompartí e material, òf por referí na unda por haña e material akí publiká.
Tèp pa upload material
- Ku e formulario por entregá solament un material òf un aktividat.
- Yena tur fèlt relevante mas kompleto posibel.
- Usa e idioma di e material òf aktividat mes, pa e título, posibel subtítulo i deskripshon. Pa ehèmpel, si ta un buki na Papiamentu, pone e título, subtítulo i deskripshon tambe na Papiamentu.
- Pa “Pais/isla”, “Kategoria”, “Tipo di material”, i otro, varias opshonnan ta posibel.
- Pa imágenan, por ehempel, por upload screenshots, un eskaneo di e tabla di kontenido, òf otro imágenan ku duna un idea di e material. Den kaso di aktividatnan, por ta un poster/flyer, material pa promoshon, pòtrètnan, i otro.
- Pa website/links eksterno, por pone un òf mas links pa ku e material mes, òf pa ku un site kaminda por haña mas informashon tokante e material. Den kaso di un aktividat, por pone un link pa ku e lokashon, un website ku mas informashon, i e website pa kumpra tiket.